खजुरा । बाँकेको खजुरा गाँउपालिकाले ३ दिनका लागि पालिकामा रहेका सबै बिद्यालय बन्द गर्ने निर्णय गरेको छ । अत्याधिक चिसो बढेपछि गाँउपालिकाले सूचना जारी गर्दै पुस २० गतेबाट २३ गते सम्मका लागि सामुदायिक तथा निजी विद्यालयहरु बन्द हुने जनाएको छ ।
बाँकेमा आजबाट लगातार सितलहर तथा बाक्लो हुस्सु र कुहिरो लागेसँगै अत्याधिक चिसो बढेको छ । चिसो र हुस्सुकै कारण आज नेपालगन्ज विमानस्थलबाट कुनै पनि उडान हुन सकेनन् भने बजारका चोकहरुमा स्थानीयले आगो तापेर बसिरहेका छन् ।
अत्याधिक चिसो बढेपछि बालबालिकाको स्वास्थ्यलाई मध्यनजर राख्दै बिद्यालय बन्द गर्ने निर्णय गरिएको खजुरा गाँउपालिका अध्यक्ष डम्बर बिकले बताए ।
प्रतिक्रिया