काठमाडौं । पोखराको सेती खोँचमा भएको यति एयरको जहाज दुर्घटनामा परेका मध्ये ३२ जनाको शव निकालिएको छ ।
घटनास्थल विमानस्थल नजिकै सेती खोँचमा भएका कारण उद्दारमा कठिनाइ भएपनि बिहान सवा ११ बजेसम्म ३२ जनाको शव निकालि सकिएको हो । दुर्घटनास्थलमा केही शवहरू उछिट्टिएको अवस्थामा देखिएका छन् ।
६८ यात्रु र चालक दलका चार जना सदस्यसहित काठमाडौंबाट १० बजे पोखराको लागि उडेको एन एएनसी एटीआर कल साइनको जहाज दुर्घटनामा परेको थियो ।
जहाजमा निकै ठूलो आगो लागेको प्रत्यक्षदर्शी स्थानीय बासिन्दाले बताएका छन् । दुर्घटनाहुनुअघि जहाज बस्ती क्षेत्रबाट बत्तिँदै खोँचमा खसेको थियो ।
जहाज सेतीको खोंचमा खसेको छ। बाहिर केही शवहरू उछिट्टिएको अवस्थामा हामीले देख्यौं।
घटनास्थलमा सेना, प्रहरी, दमकल र स्थानीयले उद्दार गरिरहेका छन् ।
प्रतिक्रिया