बुटवल । ८ औं मणिमुकुन्द रनिङ्गकप जिल्ला स्तरीय पुरुष भलिबल प्रतियोगिता माघ २४ गतेबाट हुने भएको छ ।
मणिमुकुन्द भलिबल क्लब तिलोत्तमाको आयोजनामा ८ औं मणिमुकुन्द रनिङ्गकप जिल्ला स्तरीय पुरुष भलिबल प्रतियोगिता सुरु हुने भएको हो ।
“स्वास्थ्यको लागि खेलकुद रास्ट्रको लागि खेलकुद” भन्ने मुल नारा सहित तिलोत्तमा नगरपालिका वडा नं. २ स्थित क्लबको आफ्नै खेलमैदानमा माघ २४ गतेदेखी २८ गतेसम्म प्रतियोगिता हुने मणिमुकुन्द भलिबल क्लबका संरक्षक तथा यस प्रतियोगिताका संयोजक सुरेन्द्र सुरेन्द्र गुरुङ्गले जानकारी दिए ।
जिल्लामा नयाँ खेलाडीहरुको उत्पादनका साथै खेल क्षेत्रको प्रबद्र्धन गर्ने उद्देश्यले प्रतियोगिता आयोजना गरिएको क्लबका अध्यक्ष लोकेन्द्र भण्डारीले बताए । प्रतियोगिताको तयारी तीब्र पारिएको र अहिले मैदान व्यवस्थापन, प्रायोजक, सहप्रायोजकहरु खोज्ने काम भइरहेको भण्डारीले बताए ।
प्रतियोगितामा प्रथम पुरस्कार नगद १ लाख ५० हजार सहित रनिङकप, मेडल र प्रमाणपत्र प्राप्त गर्नेछन । त्यस्तै द्धितिय पुरस्कार नगद १ लाख, कप, मेडल र प्रमाणपत्र, तृतीय पुरस्कार नगद ५५ हजार, कप, मेडल र प्रमाणपत्र तथा चौथो पुरस्कार नगद ३० हजार, कप, मेडल र प्रमाणपत्र प्राप्त गर्ने क्लबका पूर्व अध्यक्ष मिलन रानाले जानकारी दिए ।
त्यस्तै उत्कृष्ट खेलाडीलाई नगद १० हजार र अन्य विधामा उत्कृष्ट हुनेले नगद ५ हजार सहित प्रमाणपत्र प्राप्त गर्ने रानाले बताए ।
प्रतिक्रिया