बुटवल । रुपन्देहीको तिलोत्तमा जारी ८ औं मणिमुकुन्द रनिङ शिल्ड पुरुष भलिबल प्रतियोगितामा जिल्ला भलिबल संघ गुल्मी उपाधि होडबाट बाहिरिएको छ ।
शुक्रबार बिहान भएको पहिलो सेमिफाईनल खेलमा जिल्ला भलिबल संघ नवलपरासी संग ३-१ को सेटले पराजित हुँदै उपाधि होडबाट जिल्ला भलिवल संघ गुल्मी बाहिरिएको हो । गुल्मीलाई पराजित गरेको जिल्ला भलिबल संघ नवलपुर जारी प्रतियोगिताको फाईनलमा पुगेको छ ।
अब दोस्रो सेमिफाईनल खेल अन्तर्गत जिल्ला भलिवल संघ स्याङजा र जिल्ला भलिबल संघ पर्वतका बीच हुँदैछ । प्रतियोगिताको फाईनल शनिबार हुनेछ ।
प्रतियोगिताको विजेताले रनिङ शिल्डसहित नगद १ लाख ५० हजार, कप, मेडल र प्रमाणपत्र प्राप्त गर्ने छ । यसैगरी उप विजेताले १ लाख नगद राशीसहित कप, मेडल र प्रमाणपत्र प्राप्त गर्ने छ भने तृतीय हुने समूहले ५० हजार नगद राशीसहित कप, मेडल र प्रमाणपत्र प्राप्त गर्ने छ सान्त्वना हुने समूहले समेत ३० हजार नगद राशीसहित कप, मेडल र प्रमाणपत्र प्राप्त गर्ने आयोजक क्लबका अध्यक्ष लोकेन्द्र भण्डारीले जानकारी दिए । विधागततर्फ उत्कृष्ट खेलाडीले नगद १० हजारसहित कप, मेडल र प्रमाणपत्र प्राप्त गर्ने छ । यसैरी बेस्ट सेटर, बेस्ट स्पाइकर, बेस्ट डिफेन्डर, बेस्ट ब्लकर तथा म्यान अफ दि म्याचलाई पनि पुरस्कारको व्यवस्था गरिएको क्बलका वरिष्ठ उपाध्यक्ष किशन सन्दले जानकारी दिए ।
प्रतिक्रिया