१५ चैत्र २०८०, बिहिबार | March 29, 2024

मनाङ मर्स्याङ्दीले चुम्यो २२ औं तिलोत्तमा गोल्डकपको उपाधी



तिलोत्तमा । २२ औं संस्करणको तिलोत्तमा गोल्डकप फुटबल प्रतियोगिताको उपाधी मनाङ मर्स्याङ्दी क्लबले हात पारेको छ । बुटवल देवीनगरस्थित एन्फा टेक्निकल सेन्टरको मैदानमा शनिबार भएको फाइनल प्रतियोगितामा सुदूरपश्चिम-११ लाईपराजित गर्दै मनाङ मर्स्याङ्दीले उपाधी हात पारेको हो । मनाङ मर्स्याङ्दीले पहिलो पटक तिलोत्तमा गोल्डकप उचाल्न सफल भयो ।

यो जितसँगै मनाङले ११ लाख ११ हजार १ सय ११ रुपैयाँ प्राप्त गरेको छ । उपविजेता सुदूरपश्चिम-११ ले ५ लाख ५५ हजार ५ सय ५५ रुपैयाँ प्राप्त गरेको छ ।

निर्धारित समयको खेलमा १-१ गोलको बराबरी भएपछि खेल पेनाल्टी सुट आउटमा गएको थियो । मनाङले सुदूरपश्चिम-११ लाई सडन डेथमा ४-३ गोल अन्तरले पराजित गरेको हो । खेलको निर्धारित समयमा दुवैतर्फबाट समान १-१ गोल भएपछि पेनाल्टी सुटआउटमा खेल ढकेलिएको थियो । उक्त समयमा पनि बराबर गोल भएपछि सडन डेथमा पुगेको हो ।

पेनाल्टी सुटआउटमा मनाङका ४ खेलाडीले गोल गरे पनि जर्सी नम्बर २३ का अजित गुरुङको प्रहार बिममा लाग्दै बाहिरिएको थियो ।

यसैगरी सुदूरपश्चिम ११ का ४ खेलाडीले गोल गर्दा जर्सी नम्बर ११ का फागुराम थारुको प्रहारलाई मनाङका गोल रक्षक जियानाथ शेखले सहजै छेक्न सफल भए । पेनाल्टी सुटआउटमा समान ४-४ गोल भएपछि सडन डेथबाट विजेताको टुङ्गो लगाइएको थियो । सडन डेथमा मनाङले ४-३ गोल अन्तरले जित दर्ता गर्यो । सडन डेथमा जर्सी नम्बर १२ का दिपेन्द्र मलासीको प्रहार गोलपोष्ट भन्दा निकै माथिबाट बाहिरिएको थियो ।

यसअघि निर्धारित समयको खेलमा दोस्रो हाफमा मनाङका कोफी टिमोथी कोडोले ५९ औं मिनेटमा गोल गर्दै टिमलाई अग्रता दिलाएका थिए । मैदानमा प्रवेश गरेको केही मिनेटमै उत्कृष्ट खेल प्रदर्शन गरेका जर्सी नम्बर ८ का सैदजमोल डेवलश्नलको क्रसमा कोफीले गोल गरेका हुन् ।

एक गोलले पछि परेपछि दबाबमा रहेको सुदूरपश्चिम-११ ले आफूलाई उत्कृष्ट लयमा फर्काउँदै ७१ औं मिनेटमा गोल बराबरीमा ल्याएको थियो । जर्सी नम्बर ११ का फागुराम थारुले गोल गरेका थिए ।

प्रतियोगितामा सुदूरपश्चिम ११ का फागुराम थारु सर्वोत्कृष्ट खेलाडी बन्दै होन्डाको डियो स्कुटर प्राप्त गर्न सफल भए । उनले प्रतियोगितामा सर्वाधिक ४ गोल गर्न सफल भएका थिए । यसैगरी विधागत तर्फ वेष्ट फर्वाडरको उपाधी समेत उनैले चुमे ।

उक्त उपाधीसँगै उनले नगद ३० हजार प्राप्त गरे । यसैगरी मनाङका जियानाथ शेख उकृष्ट गोलरक्षक, विसन गुरुङ उत्कृष्ट मिडफिल्डर, क्याप्टेन आशिष गुरुङ उत्कृष्ट डिफेन्डर तथा किरण श्रेष्ठ उकृष्ट कोच बन्दै जनही ३० हजार नगद पुरस्कार हात पारे ।

प्रकाशित मिति : ११ चैत्र २०७९, शनिबार  ७ : ५२ बजे

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व

प्रेस चौतारी रुपन्देहीको आयोजनामा दुइदिने डिजिटल मिडिया व्यवस्थापन तथा लेखनवृत्ति तालिम सम्पन्न

बुटवल । प्रेस चौतारी नेपाल, रुपन्देही शाखाको आयोजनामा दुईदिने डिजिटल

अहिलेको सत्ता समीकरण स्वार्थको गठबन्धन होइन : अध्यक्ष ओली

झापा । पूर्वप्रधानमन्त्री एवम् नेकपा (एमाले)का अध्यक्ष केपी शर्मा ओलीले

रुपन्देहीको तिलोत्तमामा रहेको लुम्बिनी वल्ड स्कुलले असल अभिभाकत्व र तनाव व्यवस्थापन तालिम गर्ने

बुटवल । रुपन्देहीको तिलोत्तमा-१३ मधवलियामा रहेको लुम्बिनी वल्ड स्कुलले अभिभावकका