काठमाडौं । जिल्ला निर्वाचन कार्यालय खारेज गर्ने निर्णय फिर्ता नलिएको भन्दै राष्ट्रिय स्वतन्त्र पार्टी (रास्वपा)ले संसदमा अवरोध गरेको छ ।
बैठकको सुरुमै रास्वपाका सांसदहरु उठेर निर्वाचन कार्यालय खारेज गर्ने सरकारको निर्णयको विरोध गरेका छन् । त्यसपछि सभामुख देवराज घिमिरेले रास्वपाका प्रमुख सचेतक सन्तोष परियारलाई बोल्न दिएका थिए । परियारले जिल्ला निर्वाचन कार्यालय फिर्ता नलिए संसद चल्न नसक्ने बताए । रास्वपाको अवरोधलाई एमालेले समर्थन गरेको छ ।
सभामुख घिमिरेले नियमित कार्यसूचिमा प्रवेश गर्न आग्रह गरेपनि रास्वपा सांसदहरुले मानेनन् । त्यसपछि रास्वपा संसदीय दलका नेता रवि लामिछानेले आफुहरु संसद अवरोध गर्न नचाहको तर सरकारको अलोकतान्त्रिक गतिविधि नरोके विरोध गर्न बाध्य हुने बताए ।
प्रतिक्रिया