काठमाडौं । लामो समयदेखि पार्टी गतिबिधिमा निश्क्रिय जस्तै बसेका नेकपा एमालेका नेता भीम रावलले पुनः पार्टीमा सक्रियता देखाएका छन् ।
गृह जिल्ला अछाम पुगेका पुर्व उपाध्यक्ष रावल पुनः पार्टीमा सक्रिय भएका हुन । अछाम, साँफेबगरमा एमालेका नेता र कार्यकर्ताहरूसँग उनले पार्टीका गतिबिधि र काम कारबाहीका बारेमा छलफल गरेका छन । उनले त्यसको भिडियो पनि सामाजिक सञ्जालमा राखेका छन् ।
चितवन महाधिवेसनमा अध्यक्ष केपी ओलीसँग प्रतिस्पर्धामा उत्रिएका रावल पछिल्लो समयमा सञ्चार माध्यममा टिप्पणी गरेपनि पार्टी गतिबिधिवाट टाढा रहदैँ आएका थिए । केन्द्रिय सदस्यसमेत अस्विकार गरेका रावलले पार्टीको पद तथा गोपनियताको सपथसमेत लिएका छैनन् । मिसन ग्रास रुटका क्रममा एमाले उपाध्यक्ष विष्णु पौडेल र रावलले छुट्टाछुट्टै भेला बोलाएपछि उनीसँग छलफल गर्न टोली गठनसमेत गरिएको थियो ।
लामो समय देखी पार्टी गतिबिधिमा असंलग्न रहदै आएका रावल आज भने गृह जिल्ला अछाममा पार्टीको ब्यानर र झन्डा मुनी बसेर छलफल गरेका हुन् ।
प्रतिक्रिया