नेपालगन्ज । मुस्लिम समुदायको मोहम्मद डे र हिन्दु समुदायको गणेश चतुर्थी विसर्जनको मुहुर्त एकैदिन परेपछि नेपालगन्जमा फरक फरक समय निर्धारण गरेर पर्व मनाउने ब्यवस्था मिलाइएको छ ।
जिल्ला प्रशामसन कार्यालय बाँकेमा बसेको सर्वपक्षीय भेलाले फरक फरक समय निर्धारण गरेर महोमम्मद डे र गणेश चतुर्थी विसर्जनको समय निर्धारण गरिउको हो ।
भेलाले गरेको निर्णय अनुसार बिहान ७ बजेदेखि मोहम्मद डेको ¥याली प्रदर्शन गरि मध्यान्ह १ बजे सम्म समापन गरिनेछ भने त्यसपछि गणश चतुर्थीको विसर्जन सुरु हुने छ । हिन्दु धर्मका धर्मगुरु र मुस्लिम अगुवाहरुको उपस्थितीमा भएको भेलाले शान्ति सदभाव र आपसी भाइचारा कायम राख्न समझदारीपूर्ण तरीकाले पर्व मनाउने निर्णय भएको बाँके प्रशासनले जनाएको छ ।
बिहिबार मुस्लिम समदायले ईस्लामका पैगम्बर हजरत मुहम्मद मुस्तफा स्वल्लल्लाहो अलैहे वसल्लमको १४९८ औं जन्मोत्सव मनाउँदै छन् भने बिहिबार नै गणेश चतुर्थीको मुर्ति तथा पुजा समाग्री बिसर्जनको दिन परेको छ ।
नेपालगन्जले फेरि एकपटक सदभावको शहरको पहिचान दिने अवसर प्राप्त गरेको मुस्लिम अगुवा मेराज अहमद हिमालयले बताए ।
प्रतिक्रिया