नेपालगन्ज । नेपालगन्जमा नेपालगन्ज साइकल उत्सवको तयारी तिब्र पारिएको छ । टुर दि ठाकुराद्वाराको मिति नजिक आउँदै गर्दा साइकल उत्सवको तयारी तिब्र पारिएको हो ।
पूर्व तयारी अन्तर्गत आज नेपालगन्ज साइक्लिङ क्लबको बैठक सम्पन्न भएको छ । क्लवका अध्यक्ष प्रदीप सापकोटाको अध्यक्षतामा सम्पन्न भएको बैठकले नेपालगन्ज साइकल फेस्टिबल अन्तर्गतको नेपालगन्ज किड्स रेस सम्पन्न गर्न क्लबका सल्लाहकार रमेशकुमार मल्लको संयोजकत्वमा उपसमिति गठन गरिएको क्लबका सहसचिव दिपक मल्लले जानकारी दिए ।
बैठकले टुर दि ठाकुरद्वारमा सहभागिता जनाउने मेचीमहाकाली साइकल यात्रा पुरा गरेका साइकल यात्रीहरु तथा सम्पुर्ण महिला सहभागीलाई रजिस्ट्रेसन शुल्कमा ५ सय रुपैयाँ छुट गर्ने निर्णय गरिएको क्लवका उपाध्यक्ष सुरेन्द्रदीप कार्कीले बताए । कार्कीका अनुसार १५ बर्ष मुनिका सहभागी १ हजारको रजिष्ट्रेसनमा सहभागी गराइने भएको छ ।
नेपालगन्ज साइकल उत्सव अन्तर्गत सहभागीलाई बिशेष अफर सहित माघ २८ गते माउन्टेन फ्लाइट मार्फत कैलाश दर्शनका लागि ब्यबस्थापन मिलाइएको क्लवका इभेन्ट डाइरेक्टर सतिश निरौलाले जानकारी दिए।
साइकल यात्रालाई थप रोमाञ्चक र मनोरम बनाउन कार्यसमिति सदस्य बाबुराम बिकको संयोजकत्वमा रुट ब्यबस्थापनको जिम्मेवारी दिइएको र शनिबार भित्र फाइनल रुट तय गरिने उपाध्यक्ष कविराम बुढाथोकीले बताए ।
प्रतिक्रिया