नेपालगन्ज । साइकल राईडको एउटा ब्राण्ड बनेको टुर दी ठाकुरद्वारा अव बिवाइडी टुर दि ठाकुरद्वाराको नामबाट संचालन हुने भएको छ । नेपालगन्ज साइकल फेस्टिभल अन्तर्गतको टुर दि ठाकुरद्वारालाई बिश्वकै अग्रणी इभि बिवाइडीले टाइटल स्पोन्सर गर्ने सम्झौता भएसँगै अव ‘बिवाइडी टुर दि ठाकुरद्वारा’को नामबाट संचालन हुने भएको हो ।
नेपालगन्ज साइक्लिङ क्लवको आयोजनामा यही माघ २५,२५ र २७ मा गर्न लागेको नेपालगन्ज साइकल उत्सव अन्तर्गत बिवाइडी टुर दि ठाकुरद्वाराको तयारी अन्तिम चरणमा पुगेको आयोजकले जनाएको छ ।
क्लबका अध्यक्ष प्रदीप सापकोटाका अनुसार नेपालगन्ज साइकल फेस्टिभल अन्तर्गतको टुर दि ठाकुरद्वारालाई बिश्वकै अग्रणी इभि बिवाइडीले टाइटल स्पोन्सर गर्ने भएको छ । नेपालगन्ज सायकल क्लव र बिवाइडीबीच टाइटल स्मोन्सरको सम्झौता भएको अध्यक्ष सापकोटाले बताए ।
सम्झौता पत्रमा हस्ताक्षर गर्दै बिवाइडीका नेपालगन्ज बिक्रेता टिम इलिभेन इभि प्रालि लिमिटेडका संचालक बसन्त भण्डारीले नेपालकै नियमित आयोजना हुँदै आएको साइकलको सबैभन्दा ठुलो इभेन्ट सङ्ग सहकार्य गर्न लागेको जनाउदै खुशी व्यक्त गरे ।
क्लबले कार्यक्रममा देशभर र भारतीय सहरबाट समेत गरि ३०० जना साइकल यात्रीहरु इभेन्टमा सहभागी हुने जनाइएको छ।कार्यक्रम नेपालगन्जको बागेश्वरी मन्दिरबाट सुरु भै बाँके र बर्दियाका विभिन्न पर्यटकीय गन्तव्य छिचोल्दै बर्दिया राष्ट्रिय निकुञ्जको ठाकुरद्वारासम्मको १०० किलोमीटर साइकल यात्रा पुरा गरिने क्लबका बरिष्ठ उपाध्यक्ष सुरेन्द्रदिप कार्कीले बताए ।
प्रतिक्रिया