कृष्णबहादुर महरालाई हाजिरी जमानीमा छोडिँदै

काठमाडौं । सुन तस्करी प्रकरणमा पक्राउ परेका पूर्वसभामुख एवं माओवादी केन्द्रका उपाध्यक्ष कृष्णबहादुर महरा हाजिरी जमानीमा छुट्ने भएका छन् ।

नेपाल प्रहरीको केन्द्रीय अनुसन्धान विभाग सीआईबीको नियन्त्रणमा रहेका महराको बयान सकिएपछि उनलाई हाजिरी जमानीमा छोड्ने तयारी भएको हो । सीआईबीले यसका लागि जिल्ला सरकारी वकिलको कार्यालय काठमाडौंसँग राय मागेको छ । नर्भिक अस्पतालमा रहेका महरालाई सरकारी वकिलको कार्यालयमा बयान लिइएको छ ।

रोल्पा जान लागेका महरालाई यही सोमबार कपिलवस्तुबाट प्रहरीले नियन्त्रणमा लिएको थियो ।