काठमाडौं । सुन तस्करी प्रकरणमा पक्राउ परेका पूर्वसभामुख एवं माओवादी केन्द्रका उपाध्यक्ष कृष्णबहादुर महरा हाजिरी जमानीमा छुटेका छन् ।
नेपाल प्रहरीको केन्द्रीय अनुसन्धान विभाग सीआईबीको नियन्त्रणमा रहेका महराको बयान सकिएपछि उनलाई आज हाजिरी जमानीमा छोडिएको हो ।
शुक्रबार जिल्ला सरकारी वकिलको कार्यालय काठमाडौंमा बयान लिइएको थियो। त्यसपछि सीआईबीले उनलाई हाजिरी जमानीमा छोड्नका लागि सरकारी वकिलको राय मागेको थियो । सरकारी वकिलको कार्यालयको रोहबरमा महरालाई छाडिएको हो । यद्यपी महरामाथिको छानबिन भने जारी नै रहने बताइएको छ ।
काठमाडौंबाट रोल्पा जान लागेका महरालाई गत सोमबार कपिलवस्तुबाट पक्राउ गरिएको थियो । उनको स्वास्थ्य अवस्था कमजोरभएपछि नर्भिक अस्पतालमा उपचार हुँदैथियो ।
प्रतिक्रिया