बुटवल । बुटवलको मिलनचोकमा गुणस्तरीय, शुद्ध मिठाई र शुद्ध शाकाहारी पारखीहरुका लागि महालक्ष्मी स्वीट्स सञ्चालनमा आएको छ । करिब २ करोडको लगानीमा मिलनचोकमा महालक्ष्मी स्वीट्स सञ्चालनमा आएको हो ।
मदुसुदन पाण्डे र पप्पुकुमार गुप्ताको संयुक्त लगानीमा महालक्ष्मी स्वीट्स सञ्चालनमा आएको छ । स्वीट्सको औपचारिक शुभारम्भ भोली सोमबार हुँदैछ । स्वीट्सका सञ्चालक मदुसुदन पाण्डे शुद्ध मिठाईका परिकार र सत प्रतिशत शुद्ध शाहाकारी भोजनालय स्वीट्समा उपलब्ध हुने बताए । अर्का सञ्चालक पप्पुकुमार गुप्ताले गुणस्तरलाई ध्यानमा राखेर आफूहरुले सेवा दिने बताए ।
साथै उनले स्वीट्समा २० प्रकारका नमकिन बनाईने बताए । हाल स्वीट्समा ३० जनाले रोजगारी पाएका छन् । ६० प्रकारका विभिन्न स्वादमा मिठाई पाईने उनको भनाई छ । ‘हामीले ग्राहकको माग भएमा १२० प्रकारका मिठाई दिन सक्छौ । त्यो बाहेक फापरको रोटी पनि हामीकहाँ पाउँछ’ उनले भने ।
एकै पटकमा ४० जनाले सेवा लिन सक्ने गरी संरचना बनाइएको छ । स्वीट्सले उद्घाटनको अवसरमा एक महिनासम्म १० प्रतिशत छुट दिने बताएको छ ।
प्रतिक्रिया