लिटिल हंगरको तेस्रो शाखा खजुरामा

खजुरा । नेपालगन्जमा मिठाइजन्य खाद्य पदार्थ तथा बेकरी र साकाहरी रेष्टुरेन्टको ब्राण्ड बनेको लिटिल हंगरले खजुरामा आफ्नो तेस्रो शाखा सञ्चालनमा ल्याएको छ । नेपालगन्ज र कोहलपुरमा केक बेकरी सहितको साकाहारी रेष्टुरेन्टको सफल सञ्चालनपछि तेस्रो शाखाकारुपमा खजुरामा लिटिल हंगरको शाखा सञ्चालनमा आएको हो ।

आज एक कार्यक्रमका बीच लिटिङ्ग हंगरको तेस्रो शाखाको खजुरा गाउँपालिकाका प्रमुख डम्बर विक तुफानले उदघाटन गरे । सो अवसरमा बोल्दै अध्यक्ष विकले खजुराले सफल ब्यवयायी भित्र्याउन सकेकोमा खुसी ब्यक्त गरे । उनले खजुरामा आवश्यक भएको आधुनिक र सुबिधासम्पन्न रेष्टुरेन्ट र केक बेकरीलाई लिटिल हंकगरले पुरा गरेको बताए ।

लिटिल हंगरका प्रोपराइटर पियुष गुप्ताले कोहलपुरको व्यवसायिक सफलतापछि मिठाइ तथा केक एण्ड बेकरीको शाखा खजुरामा सञ्चालन गरिएको बताए । उनले खजुराबासीबाट पनि भरपूर साथ पाउने अपेक्षा सहित खजुरामा आफु प्रवेश गरेको बताउँदै उनले शाखा रहेकै स्थानमा जन्मदिन जस्ता तथा साना कार्यक्रम गर्ने हल उपलब्ध रहेको जानकारी दिए ।

‘हामी सेवाग्राहीलाई स्तरीय मिठाई सँगै केक एण्ड बेकरीको सहज उपलब्धताका लागि नेपालगन्जबाट कोहलपुर र अब खजुरामा पुगेका छौं’, गुप्ताले भने । उनका अनुसार कार्यक्रमहरु र घरमा हुने कार्यक्रमहरुमा पनि डेलिभरीको सुबिधा उपभोक्ताले प्राप्त गर्न सक्नेछन् ।

उदघाटन कार्यक्रममा खजुरा गाउँपालिकाकी उपाध्यक्ष मन्जु मल्ल, समाजसेवी शिवराज श्रेष्ठ, रामचन्द्र बोगटी लगायतको उपस्थिती रहेको थियो ।