पोखरा। सहकारीको रकम ठगी मुद्दामा पक्राउ परेका पूर्वगृमन्त्री तथा राष्ट्रिय स्वतन्त्र पार्टी सभापति रवि लामिछानेलाई म्याद थपका लागि कास्की जिल्ला अदालतमा उपस्थित गराइएको छ ।
पोखराको सूर्यदर्शन बचत तथा ऋण सहकारी संस्था लिमिटेडको रकम ठगी गरेको एवं संगठित अपराध गरेको मुद्दामा शुक्रबार काठमाडौंबाट नियन्त्रणमा लिइएका लामिछानेलाई आज कास्की अदालतमा उपस्थित गराइएको हो । हिजो शनिबार बिदा परेका कारण उनलाई आज मात्र अदालत लगिएको हो । यद्यपी, उनलाई नियन्त्रणमा लिएकै राति पोखरा पुर्याइएको थियो ।
लामिछानेलाई अदालतमा उपस्थित गराउने क्रममा उनको पार्टी रास्वपाका कार्यकर्ता र सहकारी पीडितहरुले प्रदर्शन गरेका छन् । रास्वपा कार्यकर्ताहरुले शहीद चोक र सहकारी पीडित पक्षले राष्ट्र बैंक चोकमा प्रदर्शन गर्दा पोखराको अवस्था तनाबपूर्ण बनेको थियो । दुवै पक्षलाई आम्नेसाम्ने हुन नदिन स्थानीय प्रशासनले निषेधाज्ञा जारी गरेको छ ।
प्रतिक्रिया