काठमाडौँ । मानव तस्करीको आरोप लागेका कोशी प्रदेशका पूर्वमन्त्री लिलाबल्लभ अधिकारी पक्राउ परेका छन् ।
अधिकारीलाई विराटनगरस्थित उनकै निवासबाटै प्रहरीले आज बिहान पक्राउ गरेको हो । काठमाडौँ प्रहरी परिसरको अनुरोधमा पक्राउ परेका उनलाई आजै आजै काठमाडौं ल्याउने तयारी छ।
निवर्तमान आन्तरिक मामिलामन्त्री अधिकारीले जापानमा मानव तस्करीमा संलग्न भएको आरोप लागेको छ ।
मन्त्रपरिषद्बाट स्वीकृत नगराई जापान गएका अधिकारी र उनीसँगै अन्य ३ जना व्यक्तिहरुलाई जापानको अध्यागमनले विमानस्थलबाटै फिर्ता गरेपछि यो घटना सार्वजनिक भएको थियो । अधिकारी मानव तस्करको योजनाअनुसार जापान गएको आरोप लागेको छ ।
यद्यपी उनले आफुलाई फसाइएको दाबी गरिरहेका छन् ।
प्रतिक्रिया