३० माघ २०८१, बुधबार | February 12, 2025

जनकपुरलाई पराजित गर्दै सुदूरपश्चिम एनपीएलको फाइनलमा प्रवेश



काठमाडौं । नेपाल प्रिमियर लिग (एनपीएल) को पहिलो क्वालिफायरमा जनकपुरलाई बोल्ट्सलाई पराजित गर्दै सुदूरपश्चिम रोयल्स फाइनलमा प्रवेश गरेको छ । सुदूरपश्चिमले जनकपुरलाई ८ विकेटले पराजित गर्दै एनपीएलको पहिलो सिजनमै उपाधि भिडन्तका लागि फाइनलमा पुगेको हो ।

टस हारेर १४० रनको लक्ष्य पछ्याउँदै जवाफी ब्याटिङमा उत्रिएको सुदूरपश्चिमले १८ दशमलव ३ ओभरमा २ विकेट गुमाएर १४१ रन बनाएको हो । सुदूरपश्चिमलाई फाइनलमा पुर्‍याउन नटआउट रहेका विनोद भण्डारीले अर्धशतकी पारी खेले । जारी प्रतियोगितमा उनको यो पहिलो अर्धशतक हो ।

उनले ४१ बलमा ३ चौका र ३ छक्काको सहयोगमा ५० रन बनाउँदै सुदूरपश्चिमलाई उपाधिनजिक पुर्‍याउन निर्णायक भूमिका खेले । जनकपुरविरुद्ध विनोदले ५५ बलमा अविजित ५८ रन जोडे । उनले ३ चौका र ३ छक्काको मद्दतमा उक्त रन बनाएका हुन् ।

सुदूरपश्चिमका ओपर सैफ जाइबले २१ बलमा ३२ रन जोडे । उनले ३ चौका र २ छक्का प्रहार गरे । पहिलो विकेट खसेपछि ब्याटिङमा उत्रिएका ब्रान्डन म्यकमुल्लनले १९ बलमा १ चौका र १ छक्काको सहयोगमा २५ रन जोडे ।

दोस्रो विकेट खसेपछि ब्याटिङमा आएका सुदूरपश्चिमका कप्तान दीपेन्द्रसिंह ऐरीले अविजित २० रन जोडे । उनले १ चौका र १ छक्का प्रहार गरे । बलिङतर्फ जनकपुरका बलर सुदूरपश्चिमका ब्याटरसामु चल्न सकेनन् । ललित राजवंशी र किशोर महतोले समान १-१ विकेट लिए ।

सुदूरपश्चिम फाइनलमा प्रवेश गरेसँगै दोस्रो क्वालिफायरमा एलिमिनेटरको विजेता कर्णाली याक्स र पहिलो क्वालिफायरमा हारेको टिम जनकपुरबीच प्रतिस्पर्धा हुनेछ । दोस्रो क्वालिफायरको खेल बिहीबार हुनेछ ।

दोस्रो क्वालिफायरको विजेताले सुदूरपश्चिमसँग उपाधिका लागि प्रतिस्पर्धा गर्नेछ । फाइनल खेल शनिबार त्रिवि क्रिकेट मैदानमै हुनेछ ।

प्रकाशित मिति : ३ पुस २०८१, बुधबार  ५ : ४५ बजे

आज हिंसात्मक अतिवाद रोकथाम दिवस

काठमाडौं । आज विश्वभर हिंसात्मक अतिवाद रोकथाम दिवस मनाइँदै छ

‘महाकुम्भबाट नेपाल पनि लाभान्वित हुनसक्छ’

प्रयागराज । यमुना र गङ्गा नदी मिसिएको दोभानमा स्नान गर्न

झापामा महिलाको शव फेला

झापा । झापाको शिवसताक्षी नगरपालिका-११ दुधेमा एक महिलाको शव नग्न

आजको मौसम : देशमा पश्चिमी न्यूनचापीय प्रणालीको आंशिक प्रभाव कायम

काठमाडौं । हाल देशमा पश्चिमी न्यूनचापीय प्रणालीको आंशिक प्रभाव रहेको

भक्तजनद्वारा पशुपतिनाथको छायाँ दर्शन

काठमाडौं । प्रत्येक वर्ष माघ शुक्ल चतुर्दशीका दिन मनाइने पशुपतिनाथको