खजुरा । बाँकेको खजुरामा पहिलो क्याफे एण्ड रेष्ट्रो आजबाट संचालनमा आएको छ । युवा लगानीकर्ताहरुको लगानी तथा व्यवस्थापनमा खजुरामा मण्डला क्याफे एण्ड रेष्ट्रो संचालनमा आएको हो ।
नेपालगन्ज गुलरिया हुलाकी सडकको खजुरा बजार खण्डको बिचभागमा संचालनमा आएको क्याफेले टिफिकल नेपाली परिकारहरु उपलब्ध गराउने संचालकहरुले बताएका छन् । क्याफे एण्ड रेष्ट्रोमा थकाली खाना, लोकल परिकार, टिपिकल स्वाद सहितको नास्ता र खानाका परिकारहरु उपलब्ध रहेको क्याफेका संचालक खगेन्द्र दाहालले बताए ।
दाहाल सहित अन्य ६ जना युवाहरुको लगानी रहेको क्याफेमा ५० लाख लगानी रहेको र १५ जना बढीले राजगारी पाउने दाहालले बताए । ग्राहकहरुको चाहना र खजुराको आवश्यकतालाई मध्यनजर गर्दै खजुरा क्षेत्रकै पहिलो क्याफे संचालन गरिएको उनले बताए ।
उनका अनुसार उदघाटनका अवसरमा कफि तथा बिभिन्न परिकारहरुमा विशेष छुटको अफर समेत चलाईएको छ ।
प्रतिक्रिया