लामिछानेसहितको मुद्दा न्यायाधीश दयाराम ढकालको इजलासमा

चितवन । साहारा चितवन बहुउद्देश्यीय सहकारी संस्था लिमिटेडको रकम हिनामिना गरेको अभियोगमा रास्वपा सभापति रवि लामिछानेको मुद्दा न्यायाधीश दयाराम ढकालको इजलासमा परेको छ

गोपाप्रथाबाट न्यायाधीश ढकालको इजलासमा परेपछि लामिछानेको बयान सुरु भएको छ । अदालतमा बयान सकिएसँगै थुनछेक बहस सुरु हुने अदालतका सूचना अधिकारी अमृत विश्वकर्माले बताए।

सरकारी वकिल कार्यालयले मङ्गलबार लामिछानेसहित १५ जनाविरुद्ध मुद्दा दर्ता गराएको थियो । व्यक्तिबाहेक छ वटा संस्थाविरुद्ध पनि अदालतमा मुद्दा दर्ता गरिएको छ । अदालतमा मुद्दा दर्ता भएपछि लामिछाने हिजो साँझ नै चितवन आएका हुन् । यद्यपी, लामिछानेलाई संगठित अपराधमा मुद्दा नचलाएको भन्यदै महान्यायाधिवक्ता रमेश बडालले जिल्ला सरकारी वकिल शान्तिप्रसाद लुईंटेललाई कारवाहीस्वरुप तत्कालै सरुवा गरेका थिए ।