काठमाडौं । नेपाल समाजवादी पार्टीका अध्यक्ष महिन्द्र राय यादवले ज्ञानेन्द्र शाहलाई संवैधानिक मर्यादामा बस्न चेतावनी दिएका छन् ।
शुक्रबार समाजवादी मोर्चाले काठमाडौंको भृकुटीमण्डपमा आयोजित सभालाई सम्बोधन गर्दै अध्यक्ष यादवले संविधान विरोधी गतिविधि नगर्न उनले शाहलाई चेतावनी दिएका हुन् ।
अध्यक्ष यादवले भने, ‘ज्ञानेन्द्र शाह संविधानको दायरामा बसून् । निर्वाचन लडेर आऊन् । संविधानमाथि हमला गर्ने उनको चाहना पूरा हुने छैन । संविधानमा भएका अधिकार प्रयोग गरेर अगाडि आउनुपर्छ । अन्यथा गर्न खोजे स्वीकार्य हुँदैन ।’ उनले भने । यादवले
प्रतिगामी शक्तिहरू गणतन्त्रलाई मास्न चाहेको आरोप लगाए ।
यादवले संविधानको रक्षाका लागि चार दल एक ठाउँमा उभिएको जिकिर गरे ।
उनले ओली सरकारबाट संविधान र गणतन्त्रको रक्षा गर्ने विश्वास नभएको बताए ।
प्रतिक्रिया