काठमाडौं । नेपाल समाजवादी पार्टी (नेसपा) का गंगानारायण श्रेष्ठ समूह नेकपा (माओवादी केन्द्र)मा समाहित भएको छ। आज ललितपुरमा आयोजित एक कार्यक्रममा नेसपाको श्रेष्ठ समुह नेकपा माओवादी केन्द्रमा सहमाहित भएको हो ।
नेसपाको रुेष्ठ समुहलाई माओवादी केन्द्रमा सहमायोजन गर्दै श्रेष्ठलाई माओवादी केन्द्रले सचिव बनाउने निर्णय गरिएको छ । यस अगाडि डा. बाबुराम भट्टराईबाट विभाजित भएर गएको महेन्द्रराय यादव नेतृत्वको नेसपाभित्र यादवले माओवादी शब्द हटाएर मात्र पार्टी एकता गर्ने अडान नछाडेपछि श्रेष्ठ पक्ष आज माओवादीमा समाहित भएको हो।
दुई पार्टीबीच ५ बुँदे सहमति भएको छ। नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल प्रचण्ड र नेपाल समाजवादी पार्टीका गंगानारायण श्रेष्ठबीच सहमतिपत्रमा हस्ताक्षर र पत्र आदानप्रदानसमेत भएको छ।
सहमतिका बुँदामा सहमाहित हुन बाँके नेतालाई पनि उचित जिम्मेवारी दिने उल्लेख छ। पार्टीको कार्यक्रम नेपाली विशेषता अनुरुपको समाजवादी कान्तिको कार्यक्रम हुने उल्लेख छ भने मार्गदर्शक सिद्धान्तमा मार्क्सवाद, लेनीनिवाद माओवाद रहने जनाइएको छ ।
प्रतिक्रिया