बुटवल । रुपन्देही सिद्धार्थनगर नगरपालिका वडा नं. ५ मैत्रीपथमा रहेको मार्गदर्शन बहुउद्देश्यीय सहकारी संस्था लिमिटेडका शेयर धनि तथा बचतकर्ताहरुको रकम हिनामिना गरेर फरार रहेका संस्थाका अध्यक्ष भक्तपुरबाट पक्राउ परेका छन् ।
संस्थाका शेयर धनि तथा बचतकर्ताहरुको पाँच करोड नब्बे लाख चौरासी हजार एक सय पैसठ्ठी रुपैया हिनामिना १६ महिनादेखि फरार रहेका संस्थाका अध्यक्ष अशोक केसीलाई प्रहरीले भक्तपुरको ठिमी नगरपालिका वडा नं. ३ गठ्ठाघरबाट पक्राउ गरेको हो ।
दोलखा साविक डाँडाखर्क गा.वि.स. वडा नं. ७ हाल जिल्ला दोलखा मेलुङ गाउँपालिका वडा नं. ६ स्थायी ठेगाना भएका ३४ वर्षिय के.सी.लाई जिल्ला प्रहरी कार्यालय रुपन्देहीबाट खटिएको टोलीले प्रहरी बृत ठिमी भक्तपुरको सहकार्यमा पक्राउ गरेको रुपन्देही प्रहरीले जनाएको छ । यसअघि प्रहरीले केसी विरुद्ध सहकारी ठगी तथा ठगी सम्बन्धी कसूर मुद्धामा मुद्धा दर्ता गरी रुपन्देही जिल्ला अदालतबाट पक्राउ अनुमति लिएको थियो ।
पक्राउ परेका केसीलाई आजै रुपन्देही जिल्ला अदालतमा पेश गरी म्याद थप गराई अनुसन्धान थालेको प्रहरीले जनाएको छ ।
प्रतिक्रिया