नेपालगन्ज । जेन जी आन्दोलनका क्रममा आगजनी गरिएको नेपालगन्ज उपमहानगरपालिकाले आइतबारदेखि टिनको टहरा बनाएर सामान्य सेवा सुचारु गर्ने भएको छ । भदौ २४ गते अपरान्ह आगजनी गरिएपछि जलेर ध्वस्त भएको नेपालगन्ज उपमहानगरपालिकाले भोली आइतबारदेखि टिनको टहरा बनाएर सामान्य सेवा सुचारु गर्ने भएको हो ।
कार्यालयको कर्मचारीले आगजनी भएको भोलिपल्टैबाट सरसफाई सुरु गरेका थिए ।
तत्काललाई टिनको टहरा बनाएर अस्थायी सेवा प्रवाह स्थल खडा गरेर सेवा सुचारु गरिने उपमहानगरका प्रमुख प्रशासकीय अधिकृत रामहरि शर्माले बताए । उनले सुरुका केही दिन सामान्य प्रकृतिको सेवा प्रदान गरिने जानकारी दिए ।
उपमहागरको स्वास्थ्य सेवा भने लगातार सुचारु रहेको स्वास्थ्य महाशाखा प्रमुख राम बहादुर चन्दले बताए ।
आगजनीपछि क्षतिग्रस्त बाँकेका अन्य एक दर्जन बढी सरकारी कार्यालय भने अझै सेवा सुचारु गर्न सक्ने अवस्थामा छैनन् ।
प्रतिक्रिया