काठमाडौं । नेपाली कांग्रेसका नेता तथा पूर्वसांसद अभिषेक प्रताप शाहले पूर्वप्रधानमन्त्री एवं नेकपा (एमाले)का अध्यक्ष केपी शर्मा ओलीविरुद्ध कर्तव्यज्यान मुद्दामा जाहेरी दिएका छन् ।
शाहले जिल्ला प्रशासन कार्यालय कपिलवस्तुमार्फत काठमाडौंको नयाँ बानेश्वरस्थित प्रहरी वृत्तमा शनिबार जाहेरी दिएका हुन् ।
उनले जाहेरीमा जेनजी समूहको आन्दोलनका क्रममा गोली चलाउने आदेश ओलीबाट भएको दाबी गरेका छन् । जाहेरीमा ओलीकै आदेशमा युवाहरूको ज्यान गएको दाबी गरिएको छ ।
प्रमुख जिल्ला अधिकारी दिलकुमार तामाङलाई बुझाइएको जाहेरीमा पूर्वप्रधानमन्त्री केपी शर्मा ओलीविरुद्ध १७ देखि ४५ वर्ष उमेर समूहका १०–१५ जनाभन्दा बढी युवाको मृत्युको जिम्मेवार ठहर्याइएको छ ।
प्रतिक्रिया