दुर्गा प्रसाईंको बन्दी प्रत्यक्षीकरण रिटमा सुनुवाइ हुँदै

काठमाडौं । राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईंलाई थुनामा राखिएको विषयमा दायर बन्दीप्रत्यक्षीकरण रिटमा सर्वोच्च अदालतमा आज सुनुवाइ हुँदै छ । रिट न्यायाधीश नहकुल सुवेदी र श्रीकान्त पौडेलको संयुक्त इजलासमा पेशी तोकिएको छ।

यसअघि बिहीबार न्यायाधीश मेघराज पोखरेलको इजलासले प्रसाईंलाई २४ घण्टाभित्र सर्वोच्चमा सशरीर उपस्थित गराउन आदेश दिएको थियो।

प्रसाईंका छोरा निराजन प्रसाईंले थुनाको वैधानिकता चुनौती दिँदै सर्वोच्चमा बन्दीप्रत्यक्षीकरण रिट दायर गरेका हुन्। सो रिटमा प्रारम्भिक सुनुवाइ गर्दै न्यायाधीश पोखरेलको इजलासले कारण देखाऊ आदेशसहित प्रतिवादीलाई उपस्थित गराउन निर्देशन दिएको थियो।