काठमाडौं । मेडिकल व्यवसायी तथा ‘राष्ट्र, राष्ट्रियता, धर्म, संस्कृति तथा नागरिक बचाऊ अभियान’का अगुवा दुर्गा प्रसाईँलाई नेपाल प्रहरीले भक्तपुरस्थित निवासबाट पुनः पक्राउ गरेको छ ।
प्रहरीका अनुसार प्रसाईँलाई पक्राउ गर्न प्रहरी टोली शुक्रबार बिहानै भक्तपुरस्थित उनको घरमा पुगेको थियो । उनलाई नियन्त्रणमा लिएर थप अनुसन्धान प्रक्रिया अघि बढाइएको प्रहरीले जनाएको छ ।
पटक-पटक पक्राउ र रिहा हुँदै आएका प्रसाईँले पछिल्लो समय विभिन्न सार्वजनिक अभिव्यक्तिमार्फत चुनाव विथोल्ने चेतावनी दिँदै आएका थिए । सोही अभिव्यक्तिसँग सम्बन्धित विषयमा अनुसन्धानका लागि उनलाई पुनः पक्राउ गरिएको बताइएको छ ।
यसअघि प्रसाईँलाई पक्राउ गरिएको भए पनि सर्वोच्च अदालतको आदेशपछि केही दिनअघि मात्र रिहा गरिएको थियो। प्रहरीले उनको पक्राउबारे थप विवरण सार्वजनिक गर्ने तयारी गरिरहेको जनाएको छ ।
प्रतिक्रिया