भक्तपुर । प्रतिनिधिसभा निर्वाचनअन्तर्गत भक्तपुर क्षेत्र नम्बर-२ मा जारी मतगणनाको पछिल्लो परिणामअनुसार चुनावी प्रतिस्पर्धा रोमाञ्चक बनेको छ ।
बिहान ४ बजेसम्म प्राप्त विवरणअनुसार राष्ट्रिय स्वतन्त्र पार्टी (रास्वपा) का उम्मेदवार राजीव खत्रीले अग्रता कायम राखेका छन् । सूर्यविनायक नगरपालिका-७ (गुण्डु) का दुवै मतदान केन्द्रको मतगणना सकिँदासम्म खत्रीले १ हजार ४०० मत प्राप्त गरेका छन् ।
उनलाई नेकपा (एमाले) का उम्मेदवार महेश बस्नेतले पछ्याइरहेका छन् । बस्नेतले हालसम्म १ हजार २०० मत प्राप्त गरेका छन् । यससँगै खत्री र बस्नेतबीच २०० मतको अन्तर देखिएको छ ।
त्यस्तै, नेपाली कांग्रेसका उम्मेदवार कवीर रानाले १७१ मत प्राप्त गरेका छन् भने नेपाल कम्युनिस्ट पार्टीका उम्मेदवार रामप्रसाद सापकोटाले १७ मत प्राप्त गरेका छन् ।
मतगणना जारी रहेकाले अन्तिम परिणाम आउन अझै केही समय लाग्ने निर्वाचन अधिकृतको कार्यालयले जनाएको छ ।
प्रतिक्रिया