काठमाडौं । आईसीसी विश्वकप लिग २ क्रिकेट अन्तर्गत अमेरिकाविरुद्धको खेलमा नेपालले कीर्तिमानी स्कोर बनाउँदै ३१८ रनको विशाल लक्ष्य प्रस्तुत गरेको छ।
कीर्तिपुरस्थित त्रिवि क्रिकेट रंगशालामा टस हारेर पहिले ब्याटिङ गरेको नेपालले निर्धारित ५० ओभरमा ८ विकेट गुमाएर ३१७ रन बनायो। यो स्कोर टियु मैदानमा बनेको अहिलेसम्मकै उच्च योगफल हो। यसअघि नेपाल र यूएईले समान ३१० रन बनाएका थिए।
नेपालको इनिङ्समा इशान पाण्डेले उत्कृष्ट ब्याटिङ गर्दै सर्वाधिक ८४ रन जोडे। यस्तै दिपेन्द्र सिंह ऐरीले ५९ रनको महत्वपूर्ण योगदान दिए भने कप्तान रोहित पौडेलले ४६ रन बनाए।
ओपनर आशिफ सेख ले ४३ रनको योगदान गर्दा कुशल भुर्तेलले २९ रन थपे। गुल्सन झाले १५ रन बनाएर टोलीलाई बलियो अवस्थामा पुर्याए।
नेपालले सुरुदेखि नै आक्रामक ब्याटिङ प्रदर्शन गर्दै अमेरिकी बलरमाथि दबाब बनाएको थियो।
कीर्तिपुर मैदानमा नयाँ इतिहास रच्दै नेपालले अमेरिकासामु प्रतिस्पर्धात्मक मात्र होइन, चुनौतीपूर्ण लक्ष्य खडा गरेको छ।
प्रतिक्रिया