काठमाडौं । आईसीसी विश्वकप लिग-२ अन्तर्गत नेपालले अमेरिकामाथि लगातार दोस्रो प्रभावशाली जित दर्ता गरेको छ।
शुक्रबार सम्पन्न खेलमा नेपालले अमेरिकालाई १२२ रनको फराकिलो अन्तरले पराजित गरेको हो।
नेपालले दिएको ३१८ रनको विशाल लक्ष्य पछ्याएको अमेरिका ४१.२ ओभरमा १९५ रनमै समेटियो। अमेरिकाका लागि सञ्जय कृष्णमुर्तीले सर्वाधिक ५६ रन बनाए।
यस्तै, शयान जहांगिरले २७, शेहान जयसूर्याले २६, नोस्थुस केन्जिगेले २४, सैतेजा मुक्कमल्लाले २२ तथा मिलिन्द कुमारले १२ रन जोडे। अन्य ब्याट्सम्यानले भने दोहोरो अंकमा रन बनाउन सकेनन्।
यसअघि भएको खेलमा पनि नेपालले अमेरिकालाई ९ विकेटले सहज रूपमा हराएको थियो। लगातार दुई जितसँगै नेपालले प्रतियोगितामा उत्कृष्ट लय कायम राखेको छ।
प्रतिक्रिया