कर्णाली । कर्णाली प्रदेशसभाको बैठक आज बस्दैछ । बैठकमा मुख्यमन्त्री मङ्गलबहादुर शाहीले विश्वासको मत लिने सम्भावित कार्यसूची रहेको छ ।
मुख्यमन्त्री शाहीले विश्वासको मत लिनेसम्बन्धी पत्र सोमबार प्रदेशसभामा दर्ता गराइसकेका छन् । नेकपा (एमाले) को समर्थनमा शाही गत साउन १२ गते मुख्यमन्त्री नियुक्त भएका थिए ।
दुई दलबीच मन्त्रालय बाँडफाँडमा केही ढिलाइ भएपछि मन्त्रिपरिषद् विस्तार हुन सकेको छैन । मुख्यमन्त्री शाहीले प्रदेशसभाबाट विश्वासको मत लिएपछि मन्त्रिपरिषद् विस्तार गरिने बताएका छन् ।
४० सदस्यीय कर्णाली प्रदेशसभामा नेपाली कम्युनिष्ट पार्टीका १४ र एमालेका १० प्रदेशसभा सदस्य छन् ।
प्रतिक्रिया