चोलेन्द्रलाई दोषी देखाउन महाअभियोग सिफारिस समितिलाई बारले बुझायो ३४ बुँदे आधार

खबरकुरा संवाददाता

१२ भदौ २०७९, आइतबार

429

काठमाडौं । नेपाल बार एशोसिएसनले संसदको महाअभियोग समितिलाई प्रधानन्यायाधीशमाथि महाअभियोग लगाउनुपर्ने ३४ बुँदे आधार पेश गरेको छ ।

बार अध्यक्ष गोपालकृष्ण घिमिरे र महासचिव अञ्जिता खनालले निलम्बित प्रधानन्यायाधीश चोलेन्द्रशमशेर जबरामाथिको महाभियोग पुष्टि हुने भन्दै ३४ वटा प्रमाणसहितको पत्र बुझाएका हुन् ।

५ पेज लामो पत्रमा इच्छाराज तामाङको मुद्दामा अधिवक्ता रुद्र पोखरेलले घुस बार्गेनिङ गरेको अडिओ, पूर्व डीआईजी रन्जन कोइरालालाई कैद छुट दिने फैसलाको प्रतिलिपि, सर्वोच्च अदालतको भवन निर्माणमा आर्थिक अनियमितताको विषय लगायत समेटिएको छ ।