काठमाडौं । चितवन क्षेत्र नं. १ मा एमालेबाट सुरेन्द्र पाण्डेले टिकट पाएका छन् ।
एमाले अध्यक्ष केपी शर्मा ओलीले पार्टी उपाध्यक्ष पाण्डेलाई टिकट दिएका हुन् । विगतमा माधवकुमार नेपाल पक्षधर रहेका पाण्डे पछि एमालेमा १० बुँदे हस्ताक्षरकर्ता रहेका थिए । पाण्डेसँगै पूर्व जिल्ला उपाध्यक्ष जेएन थपलियाको नाम पनि सिफारिस भएको थियो ।
यस क्षेत्रको प्रदेशसभातर्फ ‘क’ मा थपलिया र ‘ख’मा प्रकाश खनालले टिकट पाएका छन् ।
क्षेत्र नं. २ मा भने कृष्णभक्त पोखरेलले लगातार तीन पटक टिकट पाएर ह्याट्रिक गरेकाछन् । प्रदेशसभातर्फ २ ‘क’मा कृष्ण सिलवाल र ‘ख’ मा देवी ज्ञवालीले टिकट पाएका छन् ।
क्षेत्र नं. ३ राप्रपासँग समझदारी हुँदा विक्रम पाण्डेले पाउने भएका कारण एमालेले अहिलेसम्म कसैलाई टिकट दिएको छैन । तर प्रदेशसभा तर्फ भने ‘क’मा कृष्ण भुर्तेल र ‘ख’मा सरस्वती विष्टले टिकट पाउने भएका छन् ।
प्रतिक्रिया