सिद्धबाबा क्षेत्रको हेडबक्स नजिक ढुंगा सहितको पहिरो जीपमाथि खस्यो

बुटवल । अविरल बर्षाका कारण सिद्धार्थ राजमार्ग अन्तर्गत बुटवल-पाल्पा सडक खण्डको सिद्धबाबा क्षेत्रमा जीप माथी पहिरो खसेको छ । राजमार्गको बुटवल पाल्पा सडकखण्डको तिनाउ गाउँपालिका-३ स्थित सिद्धबाबा क्षेत्र हेडबक्स नजिकै रहेको नाग मन्दिर अगाडी जीप माथी ढुंगा सहितको पहिरो खसेको हो ।

बुटवलबाट पाल्पातर्फ जार्दै गरेको लु २ च २८४९ नंं जीप माथी आज बिहान पहिरो जीपमाथी पहिरो खस्दा जीपमा सवार ३ जना घाईते भएको दोभान प्रहरी चौकीका सइ कमल थापाले जानकारी दिए । उनीहरुको लुम्बिनी प्रादेशिक अस्पतालमा उपचार भइरहेको छ । ढुंगा सहितको पहिरोले जीपको अगाडी भागमा क्षति पुगेको उनले जानकारी दिए ।

पहिरोका कारण केही बेर राजमागको बुटवल-पाल्पा सडक अवरुद्ध बनेपनी अहिले भने सूचारु भइसकेको बताइएको छ । थापाले खबरकुरालाई जानकारी दिए ।