एमाले लुम्बिनी अधिवेशन : सचिव पदमा दाङका लक्ष्मण आचार्य निर्विरोध

बुटवल । नेकपा एमालेको लुम्बिनी प्रदेश कमिटीको सचिवमा दाङका लक्ष्मण आचार्य निर्विरोध निर्वाचित भएका छन् ।

सचिवमा मनोनयन दर्ता गराएका गुल्मीका सोमनाथ सापकोटाले उम्मेदवारी फिर्ता लिएपछि आचार्य निर्विरोध निर्वाचित भएका हुन् । वर्तमान सचिव रहेका आचार्य दोस्रो कार्यकालका लागि सचिवमा निर्वाचित भएका हुन् । निर्वाचित भएको निर्वाचन आयोगले घोषणा गर्न भने बाँकी छ ।

आर्चायको प्रस्तावकका एमाले दाङका सचिव मनोहर बुढाथोकी र समर्थकमा अध्यक्ष हुकुम बस्नेत थिए । आचार्य अध्यक्षका उम्मेदवार हरि रिजालको प्यानलबाट सचिवमा उठेको बताइएको छ ।

अध्यक्षका उम्मेदवार राधाकृष्ण कँडेल र हरि रिजाल भने मैदानमै भएकालके अन्य पदमा निर्विरोध हुन सकेको छैन ।