खजुरा । बाँकेको खजुरामा २ सय जना युवाहरुलाई आत्मनिर्भरताको तालिम दिइएको छ । खजुरा गाउँपालिकाले बिभिन्न बिधाको दक्षताका लागि २ सय युवालाई तालिम दिएको हो ।
लोकसेवाको तयारीकालागि ५० जना, पलम्बिङमा २५ जना, मोटरसाइकल मरमतमा २५ जना, कुक खाजा खानामा २५ जना, टायल फिटिङमा २५ जना, बुटिकमा २५ जना र बिद्यालयको झोला बनाउने मा २५ जनालाई तालिम प्रदान गरेको पालिकाले जनाएको छ ।
तालिमको समापन तथा प्रमाणपत्र वितरण कार्यक्रममा बोल्दै खजुरा गाउँपालिकाका अध्यक्ष डम्बर विक तुफानले तालिममा सिकेका कुराहरुलाई व्यवहारमा कार्यान्वयन गर्न सहभागीहरुलाई आग्रह गरे । उनले खजुराबाट बेरोजगारी हटाउन र आत्मनिर्भर बनाई बिदेश जाने कार्यको न्युनिकरण गर्न बिभिन्न विषयमा तालिम दिइएको बताए । उनले खजुरामा रोजगारीको अवसरहरु सिर्जना गरि दक्ष जनशक्तिाई स्थानीयस्तरमै स्वरोजगार बनाउन पालिकाले बिभिन्न कार्यक्रमहरु संचालन गरेको बताए ।
कार्यक्रममा पालिकाकी उपाध्यक्ष मन्जु मल्लले स्वरोजगार तालिममा महिलाहरुको उल्लेख्य सहभागिताले पालिकालाई उत्साहित बनाएको बताइन् ।
कार्यक्रममा तालिम प्राप्त सहभागीहरुलाई प्रमाणपत्र प्रदान गरिएको थियो ।
प्रतिक्रिया