काठमाडौँ । काठमाडौं उपत्यकाभित्र बिहान सवा ९ बजेसम्म खाद्यान्न र तरकारी पसलहरू खुल्ने भएका छन् ।
उपत्यकाभित्रका काठमाडौँ, ललितपुर र भक्तपुरका प्रमुख जिल्ला अधिकारीहरूको आइतबार बसेको आकस्मिक बैठकले बिहान सवा ९ बजेसम्म खाद्यान्न र तरकारी पसलहरु खोल्न दिने निर्णय गरेको हो ।
काठमाडौंमा भदौ ४ गतेदेखि १० गतेसम्म निषेधाज्ञा लागेको छ । यस समयमा प्रहरीले बिहानैदेखि पसलहरू बन्द गराएको गुनासो आएपछि सीडीओहरूले विक्रि समय छुट्याएका हुन् ।
बैठकले किराना पसल, दुध डेरी, तरकारी पसल र मासु पसल खोल्न पाउने निर्णय गरेको भएको काठमाडौँका सीडीओ जनकराज दाहालले जानकारी दिए ।
औषधी पसलहरू भने जुनसुकै समयमा पनि खुल्नसक्नेछन् ।
उपत्यकामा कोरोना संक्रमण समुदायस्तरमै फैलिएपछि १० गतेसम्म निषेधाज्ञा लागेको हो
प्रतिक्रिया