काठमाडौं । संबिधान संशोधनलाई मुख्य एजेण्डा बनाएर गठन भएको कांग्रेस एमाले गठबन्धनको सरकार संबिधान संशोधनबाट पछि हट्ने भएको छ । प्रधानमन्त्री केपी शर्मा ओलीले २०८७ सालमा मात्र संबिधान संशोधन हुने घोषणा गरेसँगै सरकार संबिधान संशोधनबाट पछि हट्ने निश्चित भएको हो ।
सरकारको नेतृत्व गरिरहेको नेकपा एमालेको केन्द्रीय कमिटी बैठक समापन गर्दै एमाले अध्यक्ष एवं प्रधानमन्त्री ओलीले दाहराएर तत्काल संविधान संशोधन नहुने र २०८७ मा मात्र संशोधन हुने बताएका छन् । प्रधानमन्त्री ओलीले संविधानमा केही त्रुटि रहेकाले संशोधन गर्नुपर्ने आवश्यकता रहेको उल्लेख गर्दै तर ०८७ मा मात्रै संशोधन हुने बताए ।
आफु अनुकुल संशोधन गर्न दुबै संसदको गणीतमा संख्या नपुग्ने ठहर सहित प्रधानमन्त्री संबिधान संशोधनको एजेण्डाबाट पछि हटेको आँकलन गरिएको छ । प्रधानमन्त्रीले बैठकमा राष्ट्रियसभाको अंक गणितका कारण संशोधन सम्भव नभएको बताएका थिए । ‘संविधान संशोधन त गर्ने नै हो । तर ०८७ मा ।’ उनले बैठकमा भने ।
अध्यक्ष ओलीले बहुसंख्यत केन्द्रीय सदस्यहरुले विन्दा पाण्डे र उषाकिरण तिम्सेनालाई गरिएको निलम्बन फिर्ता गर्नुपर्ने माग गरेपनि कारवाही फिर्ता नहुने बताए । उनले माफी नमागेसम्म निलम्बन फिर्ता नहुने बताए ।
प्रतिक्रिया