संसदीय सुनुवाइ समितिबाट अनुमोदिन ३ न्यायाधीस सहित ४ जनाको नियुक्ति

काठमाडौं । राष्ट्रपति रामचन्द्र पौडेलले सर्वोच्च अदालतमा रिक्त ३ न्यायधीस नियुक्त गरेका छन् । न्यायपरिषदमा रिक्त एक जना सदस्य पनि आजै नियुक्त गरिएको छ ।

संघीय संसद अन्तर्गतको संसदीय सुनुवाइ समितिले सर्वोच्च अदालतका लागि सिफारिस गरेको तीन न्यायधीसलाई राष्ट्रपति पौडेलले आजै नियुक्त गरेका छन् ।

आज बसेको समितिको बैठकले सर्वोच्च अदालतको न्यायाधीशमा मेघराज पोखरेल, शान्तिसिंह थापा र श्रीकान्त पौडेल तथा न्याय परिषद् सदस्यमा प्रस्तावित महेशकुमार नेपालको नामलाई अनुमोदन गरेको थियो। उनीहरुलाई राष्ट्रपतिले आजै नियुक्त गरेका हुन् ।

सर्वोच्च अदालतको न्यायाधीशमा अनुमोदन भएका थापा र पौडेल उच्च अदालतका मुख्य न्यायाधीशको जिम्मेवारीमा रहेका थिए भने पोखरेल वरिष्ठ अधिवक्ताको रूपमा रहेका थिए ।