बुटवल । विपक्षीदलको तोडफोड, नाराबाजी र रोष्टम घेराउका बीच प्रदेश ५ को प्रदेशसभाको बैठक सञ्चालन भएको छ ।
सोमबार बसेको पहिलो बैठकमा बैठक सुरुभए लगत्तै विपक्षीदलले रोष्टम घेरेपछि आधा घण्टालाई स्थगित भएको बैठक दोस्रो पटक तनावपूर्ण तरीकाबाट सञ्चालन गरिएको थियो । विपक्षी काँग्रेसको नाराबाजी, तोडफोड र माईक भाँच्ने क्रमलाई जारी राख्दै सभामुख पुर्ण घर्तीले संसद सुचारु गरेका थिए ।
संसदमा सभासदहरुले उठाएको प्रश्नको जवाफदिंदै प्रदेश ५ सरकारका आन्तरिक मामिला तथा कानुन मन्त्री कुल प्रसाद केसीले विपक्षीदल नेपाली काँग्रेसका बिरुद्ध सभामा खेद प्रस्ताव प्रस्तुत गरेका थिए ।
प्रदेश राजधानी र नामारणका बिषयमा साँसदहरुले उठाएका प्रश्नको जवाफ दिन रोष्टममा उभिएका कानुन मन्त्री केसीले विपक्षी काँग्रेसले सभामुख घर्तीमाथि आक्रमण गरेको भन्दै बिपक्षि काँग्रेस बिरुद्ध खेद प्रस्ताव पेश गरेका हुन् । उनले सांसदहरुले उठाएका प्रश्नको जवाफ भन्दा पनि बिज्ञ समुहको प्रतिबेदन र प्रदेशसभाले गठन गरेको सुझाव समितीको प्रतिबदेन सार्वजानिक गर्न सभामुखसँग अनुमति मागे ।
मन्त्री केसी बोलिरहँदा काँग्रेस सांसदले कुर्चि तोडन र हो हल्ला गर्न नछाडेपछि उनले भाषणकै बीचमा सांसदलाई बाहिर निकाल्न मर्यादापालकलाई निर्देशन पनि दिएको सुनिएको थियो ।
भिडियो सहित
मन्त्री केसी बोल्नु अघि प्रदेशका सांसदहरुले प्रदेशको राजधानीका बिषयमा आ आफ्ना धारणाहरु राखेका थिए । दाङ पश्चिमका सांसदहरुले सरकारी प्रस्तावको समर्थनमा अभिमत राखेका थिए भने कपिलवस्तु पुर्वका सांसदले बुटवलबाट राजधानी सार्नु पर्ने कारणको औचित्य खोजेका थिए ।
सोमबार बिहानमात्र बसेको नेकपा संसदीयदलको बैठकमा प्रदेश ५ सरकारका मुख्यमन्त्री शंकर पोखरेलले सरकारको पक्षमा बोल्न र मतदान गर्न ह्वीप जारी गरेपनि नेकपा साँसद भोज प्रसाद श्रेष्ठ र बिष्णु पन्थीले पोखरेलको ह्वीप उल्लंघन गरेका छन् ।
सभामुखले भोलि १२ बजे बस्नेगरि संसद बैठक स्थगित गरेका थिए ।
प्रतिक्रिया