नेपालगन्ज । बाँकेस्थित भेरी अस्पताल नेपालगन्जमा कोरोना संक्रमणबाट थप २ जनाको मृत्यु भएको छ ।
नेपालगन्ज उपमहानगरपालिका-१०, भृकुटीनगर, का ६१ वर्षीय वृद्ध पुरुषको उपचारको क्रममा मृत्यु भएको हो । त्यस्तै त्यसैगरी नेपालगन्ज उपमहानगरपालिका-१८, कारकाँदो की १८ वर्षीया किशोरीको पनी उपचारकै क्रममा मृत्यु भएको छ ।
भृकुटीनगर निवासी ६१ वर्षीय वृद्ध पुरुषको शनिवार राति ९ बजे मृत्यु भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए ।
असोज २५ गते अस्पताल भर्ना भएका वृद्ध पुरुषको श्वासप्रश्वासमा समस्या थियो । संक्रमित पुरुषलाई प्लाजामा थेरापी लगायत सबै प्रकारको उपचार दिदै गर्दा समेत विरामीको अवस्थामा सुधार नआएपछी आइसीयूमा उपचारकै क्रममा मृत्यु भएको श्रेष्ठले खबरकुरालाई बताए ।
मृतक पुरुषको असोज २४ गते स्वाब संकलन गरिएको थियो भने पीसीआर रिपोर्टअसोज २५ गते पोजिटिभ आएको थियो ।
त्यस्तै असोज २९ गते अस्पताल भर्ना भएकी कारकाँदो निवासी १८ वर्षीया किशोरीको शनिबार राति ९:३० बजे मृत्यु भएको छ ।
श्वासप्रश्वासमा समस्या देखीएको संक्रमित किशोरीलाई उपचार दिदै गर्दा समेत बिरामीको अवस्थामा सुधार नआएपछी आइसीयूमा उपचारकै क्रममा मृत्यु भएको फोकल श्रेष्ठले जानकारी दिए ।
योसँगै बाँकेमा कोरोनाबाट मृत्यु हुनेको संख्या २९ पुगेको छ ।
प्रतिक्रिया