नेपालगन्ज । बाँकेको नेपालगन्जका २ जना कोरोना संक्रमितको ५ घण्टाको फरकमा मृत्यु भएको छ । भेरी अस्पताल नेपालगन्जमा १ जना र नेपालगन्ज मेडिकल कलेज कोहलपुरका १ जना संक्रमितको उपचारका क्रममा मृत्यु भएको हो ।
डीसीएमसीका अनुसार जेठ ५ गते भेरी अस्पताल भर्ना भएका नेपालगन्ज उपमहानगर १ का ७० वर्षिय पुरुषको आज बिहान ८ बजे मृत्यु भएको छ भने जेठ ११ गते नेपालगन्ज मेडिकल कलेज कोहलपुर भर्ना भएका नेपालगन्ज १० का ४२ वर्षिय पुरुषको दिउँसो १ बजे मृत्यु भएको छ ।
आज मृतक थपिएसँगै बाँकेमा कोरोना संक्रमणबाट मृत्यु हुनेको संख्या २९५ पुगेको छ ।
प्रतिक्रिया