कोरोना संक्रमित थपिनेमा रुपन्देहीलाई पछ्याउँदै बाँके, संक्रमितको संख्या ३ हजार नजिक

खबर कुरा
५ कार्तिक २०७७, बुधबार

नेपालगन्ज । बाँकेका बिभिन्न तीन प्रयोगशालामा गरिएको पीसीआर परीक्षणबाट ३८ जनामा कोरोना संक्रमण पुष्टि भएको छ ।

जिल्ला कोभिड–१९ संकट ब्यवस्थापन केन्द्रका अनुसार बुधबार साँझ सम्ममा बाँकेमा तीन प्रयोगशालाबाट १८ महिला र २० पुरुष गरि थप ३८ जना कोरोना सक्रमित थपिएका छन् ।

भेरी अस्पताल नेपालगन्जको प्रयोगशालाबाट २१ जना, नेपालगन्ज मेडिकल कलेज शिक्षण अस्पताल कोहलपुरको प्रयोगशालाबाट १२ जना र बागेश्वरी डाइग्नोस्टिक एण्ड पोलिक्लिनिक सेन्टर कोहलपुरको प्रयोगशालाबाट पाँच गरि ३८ जनामा कोरोना संक्रमण पुष्टि भएको जिल्ला कोभिड १९ संकट व्यवस्थापन केन्द्रका कोरोना फेकलपर्शन नरेश श्रेष्ठले जानकारी दिए ।

बुधबार थपिएसंगै बाँकेमा कोरोना संक्रमित हुनेको कुल संख्या २८४१ पुगेकोछ । बाँकेमा २९ जना कोरोना संक्रमितको उपचारका क्रममा मृत्यु भईसकेको छ भने अन्य जिल्लाबाट बाँकेमा उपचारका लागि आएका १५ जनाको पनि उपचारकै क्रममा मृत्यु भइसकेको छ । बाँकेमा कोरोना जित्नेको संख्या २ हजार २ सय २७ पुगेकोछ ।

यसमा तपाइको मत

Your email address will not be published. Required fields are marked *


*