नेपालगन्ज । बाँकेमा उपचाररत दाङ तुलसीपुरका ३ जना कोरोना संक्रमितको गयराती मृत्यु भएको छ । बिहान सम्म २ जनाको मृत्यु भएको पुष्टि भएको सार्वजानिक गरेको कोभिड संकट ब्यवस्थापन केन्द्र डीसीसीएमसी बाँकेले थप एकजना २६ वर्षीय पुरुषको मृत्यु भएको जानकारी दिएको छ ।
मंसिर १० गते भेरी अस्पतालमा भर्ना भएका तुलसीपुर १६ का २६ वर्षीय युवाको मध्यराती १२ः१० बजे मृत्यु भएको बर्दिया सरुवा गरिएका डीसीसीएमसी बाँकेका कोरोना फोकलपर्शन नरेश श्रेष्ठले जानकारी दिए । श्रेष्ठका अनुसार रेमडीशिबिर, प्लाज्मा थेरापी, कक्सिजन सहितको सबै बिधिबाट उपचार चलिरहेकै अवस्थामा ती युवकको मृत्यु भएको हो ।
पछिल्लो मृत्यु सँगै बाँकेमा अन्य जिल्लाबाट उपचारका लागि पुगेर मृत्यु हुनेको संख्या ५८ पुगेको छ ।
प्रतिक्रिया