काठमाडौं । प्रधानमन्त्री केपी शर्मा ओली सभालाई सम्बोधन गर्न प्रदेश १ को राजधानी विराटनगर जाँदैछन् ।
ओली नेकपाले आयोजना गरेको सभालाई सम्बोधन गर्न प्रधामन्त्री ओलीसहितको शिर्ष नेताको टोली विराटनगर जान लागेको हो ।
संसद विघटनबारे प्रष्ट पार्न, विपक्षी प्रचण्ड नेपाल नेकपाको शक्ति प्रदर्शनलाई काउन्टर गर्न र चुनावको तयारी गर्नैका लागि सत्तापक्षीय ओली नेकपाले देशका विभिन्न स्थानमा बृहत सभा गर्दै आएको छ ।
विराटनरको सभालाई ओलीसहित गृहमन्त्री रामबहादुर थापा, सुवास नेम्वाङ, मुख्यमन्त्री शेरधन राई लगायतले सम्बोधन गर्ने कार्यक्रम रहेको छ ।
सभामा बढी भन्दा बढी मानिस जुटाउन ओली पक्षीय नेताहरुले केही दिन यता दौडधुप गरिरहेका छन् । सभामा कम्तिमा २ लाख जनसहभागिता हुने ओली नेकपाको दाबी छ ।
यसअघि गत माघको तेस्रो साता प्रचण्ड नेपाल पक्षले विराटनगरमा बृहत विरोध प्रदर्शन र सभा गरेको थियो ।
प्रतिक्रिया