काठमाडौं । कोरोना भाइरस विरुद्ध पार्टीगत अभियान चलाइरहेको नेकपा माओवादी केन्द्रले आज प्रदेश इन्चार्जहरुलाई स्वास्थ्य सामग्री हस्तान्तरण गरेको छ ।
पार्टी कार्यालय पेरिसडाँडामा आयोजित कार्यक्रममा अध्यक्ष पुष्पकमल दाहाल प्रचण्डले सबै प्रदेशका इन्चार्जहरुलाई विभिन्न स्वास्थ्य सामाग्रीहरु हस्तान्तरण गरेका हुन् । माओवादी केन्द्रले कोरोना भाइरस विरुद्ध लड्न देशभर पार्टीका नेता कार्यकर्ताहरुलाई परिचालन गरेको छ ।
यी स्वास्थ्य सामग्रीहरु चीन सरकार, प्रवास पार्टी कमिटी र स्वास्थ्य सेवा सम्बद्ध विभिन्न संगठनहरुबाट प्राप्त भएको माओवादी स्थायी समिति सदस्य देवेन्द्र पौडेलले बताए । प्रदेश इन्चार्जहरुले आआफ्ना प्रदेशअन्तर्गतका विभिन्न जिल्लामा यी स्वास्थ्य सामग्री वितरण गर्नेछन् ।
स्वास्थ्य सामग्रीहरुमा एन–९५ मास्क, केएन–९५ मास्क, अक्सिजन जेनेरेटर, एन्टिजीन, थर्मल गन, अक्सिमिटर, खाली र भरिएका अक्सिजन सिलिण्डर, पीपीई सेट, सर्जिकल ग्लब्स, सेनिटाइजर, फेस सिल, लगायतका रहेका छन् ।
प्रतिक्रिया