बाँकेमा २८ संक्रमित थप, २८ संक्रमित डिस्चार्ज

नेपालगन्ज । बाँकेका २ वटा प्रयोगशालामा भएको ३८१ नमुना परीक्षणबाट बाँकेका २८ जनामा कोरोना संक्रमण पुष्टि भएको छ । २ वटा प्रयोगशालामा बाँके जिल्ला बाहिरका ८७ जनामा संक्रमण पुष्टि भएको डीसीएमसी बाँकेले जनाएको छ ।

डीसीएमसी काँकेका अनुसार भेरी अस्पताल पीसीआर ल्यावमा ३१९ नमुना परीक्षण गर्दा ९५ जनामा संक्रमण पुष्टि भएको छ भने बागेश्वरी पीसीआर ल्यावमा ६२ नमुना परीक्षण गर्दा २० जनामा संक्रमण पुष्टि भएको छ ।

२४ घण्टाका बीचमा बाँकेमा जिल्ला भित्रका १ जना र जिल्ला बाहिरका ३ जनाको मृत्यु भएको छ भने सोही अवधीमा २८ जना डिस्चार्ज भएका छन् । बाँकेमा आज सम्ममा जिल्ला भित्रका २९९ र जिल्ला बाहिरका २२५ सक्रिय संक्रमितहरुले संक्रमण मुक्तिको प्रतिक्षा गरिरहेका छन् ।