एमाले अध्यक्ष ओलीको गम्भीर प्रश्न – कसलाई खुशी पार्न चीनसँग सीमा विवादको नाटक रचियो ?

काठमाडौं । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले अरु कसैलाई खुशी बनाउन चीनसँग हुँदै नभएको सीमा विवादको बखेडा निकालिएको बताएका छन् ।

शनिबार एमालेको काठमाडौं महानगर कमिटी भेलालाई सम्बोधन गर्दै अध्यक्ष ओलीले चीनसँग सीमा विवाद नै नभएको दाबी गर्दै सरकारले अहिले बनाएको सीमा विवाद अध्ययन समिति अरु कसैलाई खुशी पार्न गरिएको बताए । ओलीले प्रश्न गरे, ‘कसलाई कसलाई खुसी पार्न खोजेको हो ? सरकारले प्रष्ट पार्नुपर्छ ।’ ओलील भने, ‘‘चीनसँग सीमा विवाद नै छैन् ।’ उनले अहिले सरकारले बनाएको समितिले सीमा विवाद देखाउन सकोस भन्दै चुनौती दिए ।

अध्यक्ष अ‍ोलीले सरकारले झुक्याएर एमसीसी पारित गर्न खोजेको आरोप लगाए । उनले एमसीसीबारे सरकारका मान्छे कोही पनि नबोलेको भन्दै आक्रोश व्यक्त गरे । उनले भने, ‘झुक्याएर पास गर्न लागेका छन् । शेरबहादुर जीले भन्नु पर्दैन एमसीसी के गर्ने रु प्रचण्डले भन्नु पर्दैन एमसीसी के गर्ने ? उनीहरु चुपचाप छन् ।’