३२ जेष्ठ २०८१, शुक्रबार | June 14, 2024

भारतले अतिक्रमण गरेको भूमि फिर्ता गरेरै छोड्छौं : परराष्ट्रमन्त्री ज्ञवाली



काठमाडौं । सरकराले भारतबाट अतिक्रमित भूमि फिर्ता लिएरै छोड्ने प्रतिवद्धता जनाएको छ ।

परराष्ट्र मन्त्री प्रदीपकुमार ज्ञवालीले भारतले अतिक्रमण गरेको नेपाली भूमि फिर्ताका लागि सरकारले पहल गरिरहेको बताउनुभएको छ । मन्त्री ज्ञवालीले भुमि फिर्ता भएपछि लिम्पियाधुरासम्म सुरक्षा र विकास गरिने प्रतिवद्धता जनाउनुभयो ।

प्रतिनिधिसभामा मंगलबार विनियोजन विधेयक २०७७ अन्तर्गत परराष्ट्र मन्त्रालय एवं मातहतका निकायका लागि आर्थिक वर्ष २०७७र७८ को विनियोजित बजेट र प्रस्तावित कार्यक्रम उपर भएको छलफलमा उठेका प्रश्नको जवाफ दिदैँ मन्त्री ज्ञवालीले नेपालको भूमि अतिक्रमण गरेर भारतले छिमेकीप्रति हेपाहा नीति लिएको जिकिर गर्नुभयो । ज्ञवालीले नेपालले गत नोभेम्बरमै भारतीय नक्शाप्रति आपत्ति जनाउँदै नेपालको अडान प्रस्तुत गर्दा गर्दै भारतले नेपाली भूमिबाटै सडक बनाएको बताउनुभयो ।

आफ्नो सार्वभौमसत्ता र भौगोलिक अखण्डताको रक्षाका लागि यतिबेला राष्ट्रिय सहमति कायम भएको भन्दै भारतसँग वार्ताका लागि निरन्तर पहल गरिरहे पनि भारतले टाल्दै गएकोमा अचम्मा मान्नुभयो । सीमा समस्याबारे भारत र चीनबीच वार्ता भएको उल्लेख गर्दै मन्त्री ज्ञवालीले नेपाल र भारतबीच पनि छिट्टै वार्ता हुने विश्वास व्यक्त गर्नुभयो ।

‘त्यस्तो तनावको बीचमा चीनसँग वार्ता हुन्छ भने नेपालसँग नहनुपर्ने कारण छैन । ताकेता गरिरहेका छौं । ’ उहाँले वार्ता बाहेक अन्य विकल्पमा सोच नबनाएको बताउनुभयो

‘हामीले अतिरिक्त भूभाग खोजेका होइनौं । हामीले पराजित भएर सुगौली सन्धिले भनेको काली नदी सीमा हो भनेका छौं ।’

उहाँले आफ्नो राष्ट्रिय हितको पक्षमा बोल्नु भनेको अर्को कसैलाई होच्चयाउनु या मित्रता खण्डित गर्नु नभएको स्पष्ट पार्नुभयो ।

‘आफ्नो राष्ट्रिय हितको पक्षमा बोल्नु भनेको कसैको अहित गर्नु या असल मित्रताको भावलाई खण्डित गर्नु होइन’, उहाँले भन्नुभयो, विगतले बोकाइदिएका असमान सम्बन्धका बोझहरु बिसाएर र इतिहासले सुल्झिन बाँकी भनेर छोडिदिएका विरासतलाई सुल्झाएर समस्यारहित, बोझरहित, आशंकारहित विश्वासको सम्बन्धको जगमा मात्र मित्रतापूर्वक सम्बन्धहरु अगाडि बढ्न सक्छन् भन्नेमा आफूहरुको प्रयास केन्द्रित रहेको पनि उनले बताए । उनले भने, ‘मेरै पुस्ताले तीन पटकसम्म खेप्नु परेको नाकाबन्दीको पीडालाई अब आउने पुस्ताले कहिल्यै पनि भोग्न नपर्नेगरी सुनिश्चित गरिएको छ ।’

प्रकाशित मिति : २७ जेष्ठ २०७७, मंगलबार  ४ : ४८ बजे

राष्ट्रिय गौरवको सिक्टा सिँचाइमा चालु आर्थिक वर्षमा ९२ प्रतिशत भौतिक प्रगति

नेपालगन्ज । जिल्लामा निर्माणाधीन राष्ट्रिय गौरवको आयोजना सिक्टा सिँचाइले चालु

संसद् सञ्चालनका कतिपय प्रक्रियामा पुनःविचार गर्नुपर्छ : एमाले सचिव भट्टराई

काठमाडौं । विद्यार्थी जीवनदेखि मुलुकको रूपान्तरण र अग्रगतिका लागि आन्दोलनमा

बस दुर्घटना अपडेट : उपचारका क्रममा कार चालकको मृत्यु

चितवन । पृथ्वी राजमार्गअन्तर्गत चितवनको इच्छाकामना–३ फिस्लिङ बजार नजिकै आज

दीर्घकालीन विद्युत व्यापार सम्झौता कार्यान्वयन हुँदैछ : प्रधानमन्त्री

हेटौंडा । प्रधानमन्त्री पुष्पकमल दाहाल ‘प्रचण्ड’ले नेपाल-भारतबीचको दीर्घकालीन विद्युत व्यापार

प्रधानमन्त्री प्रचण्डद्वारा हेटौँडा सबस्टेसन उद्घाटन

काठमाडौं । प्रधानमन्त्री पुष्पकमल दाहाल ‘प्रचण्ड’ले ४०० केभीको हेटौँडा सबस्टेसन