बझाङ । क्वारेन्टाईन छाडेर गाँउ फर्किएका २५ जनाको पिसिआर रिपोर्ट पोजेटिभ आएको छ ।
रिपोर्ट आउने निश्चित नभएको भन्दै एक साता अघि गाँउ छिरेका २५ जनामा कोरोना संक्रमण पुष्टि भएको हो । उक्त रिपोर्ट सार्वजनिक भएपछि गाउँमा अहिले त्रास फैलीएको छ । केदार स्युँ गाँउपालिकाको वडा नम्बर ६ र ७ का भारतबाट फर्किएका स्थानीयहरु क्वारेन्टाईनमा बस्दै आएका थिए ।
१४ दिन क्वारेन्टाईनमा बसेका १२५ जनाको स्वाब परिक्षणका लागी डडेल्धुरा पढाईएको थियो । उप क्षेत्रीय अस्पताल डडेल्धुराले उक्त स्वाब परिक्षणका लागी काठमाडौ पठाईको र २५ जनामा कोरोना पुष्टि भएको थियो । अहिले पोजेटिभ रिपोर्ट आएकाहरुको स्थानीय तहले खोजी गरी गाँउपालिकाको आईसोलेसनमा राखीएको केदार स्युँ गाँउपालिकाका अध्यक्ष ईन्द्र बहादुर भण्डारीले बताए । स्वाब परिक्षणको नतीजा एक हप्ता सम्म नआएपछि क्वारेन्टाईनमा बसेकाहरुमा कोरोनाको कुनैपनि लक्षण नदेखिएको भन्दै पठाइएको थियो ।
उनीहरु एक हप्ता गाँउमा बसेको र अन्यसंग भेटघाट गरेकाले उनीहरुसंग सम्पर्कमा आएकाहरुको समेत स्वब संकलन गरी पिसीआर परिक्षण गरिने तयारी भएको प्रमुख जिल्ला अधिकारी कमराज भण्डारीले बताए । यो सामाग्री आजको राजधानी दैनिकमा छापिएको छ ।
प्रतिक्रिया