देवदह । रुपन्देहीको देवदह नगरपालिकाको खैरेनीमा रहेको बैंकका एक जना कर्मचारीलाई कोरोना संक्रमण भएसंगै देवदह नगरपालिकामा अत्यावश्यक बाहेकका अन्य सेवा पूर्ण रुपमा बन्द गरिएको छ ।
देवदहको खैरेनीमा रहेको गरिमा विकास बैंकमा कार्यरत कर्मचारीमा कोरोना भाइरसको संक्रमण पुष्टि भएसंगै नगरपालिकामा अत्यावश्यक बाहेकका सबै सेवा पूर्ण रुपमा बन्द गरिएको हो ।
नगरपालिकाको कार्यपालिकाको आकस्मिक बैठकले आज मंगलबार राती १२ बजेदेखि अर्को निर्णय नभएसम्मका लागि देवदह क्षेत्रमा अत्यावश्यक बाहेक पैदलयात्रा गर्न सम्म नपाईने गरि निर्णय भएको छ ।
बैठकले रामार्ग क्षेत्र बाहेकका स्थानमा सवारीका साधनहरु चल्न नदिने, कुनैपनि पेशा, व्यवसाय सञ्चालन नगर्ने सहितका निर्णय गरेको उपप्रमुख विद्या लक्ष्मी गुरुङले जानकारी दिइन् ।
बैकंका कर्मचारीमा कोरोना संक्रमण देखिएसंगै अर्को सुचना नआउँदा सम्मको लागि नगरक्षेत्रमा लकडाउन गरिएको उप प्रमुख गुरुङले बताइन । गुरुङका अनुसार अत्यावश्यक सेवाहरु भने रोकिने छैनन् ।
तत्कालका लागि खाद्यान्न पसल सहित उद्योगधन्दा र अरु सबै व्यापार व्यवसाय पनि समेत बन्द गरिने छ । उता गरिमा विकास बैंकका कर्मचारीमा कोरोना भाइरसको संक्रमण भएको पुष्टि भएपछि बैंकका करीब ११ जना होम क्वानरेन्टिनमा छन् ।
कर्मचारीका परिवार, उनले सेवा लिएको मेडिकल, प्याथोलोजी, बैंकमा सेवा लिन आएका सेवाग्राहीहरु र बैंकका अन्य कर्मचारीसहित २५ जनाको पीसीआर परीक्षणका लागि तयारी भएको देवदह नगरपालिकाले जनाएको छ ।
प्रतिक्रिया